ყვარელი
სასტუმრო „სამზეო“ ყვარელში, ალაზნის ველის გულში, ქინძმარაულის მიკროზონაში მდებარეობს. ჩრდილოეთით მას კავკასიონის მთები ამშვენებს, აღმოსავლეთით – „ყვარლის ბაგას“ ფერმა, დასავლეთით – ქალაქი ყვარელი, ხოლო სამხრეთით – ულამაზესი ვენახები, რომლებიც თვალსაწიერამდე გადაჭიმულია.
52,000 კვ.მ-ზე გაშლილი ტერიტორია მშვიდი დასვენებისა და აქტიური გართობის იდეალურ კომბინაციას ქმნის. „სამზეო“ ჯანსაღი ცხოვრების წესსა და ავთენტურ კულტურას აერთიანებს, რაც მას განსაკუთრებით მიმზიდველს ხდის, ოჯახური დასვენების, სპორტისა და ბუნებაში დროის გატარების მოყვარულებისთვის. კომპლექსში სტუმრებს ელოდებათ ღია აუზი, საუნა, პადელის მოედანი, საბავშვო ზონა და ასწლოვანი ხეებით გარშემორტყმული ტყე, რომლებიც განტვირთვისა და შთაგონების საუკეთესო სივრცეა.
სასტუმროს რესტორანში შეგიძლიათ დააგემოვნოთ კახური კერძები თანამედროვე აქცენტებით და ევროპულ-ქართული სამზარეულოს მრავალფეროვანი არჩევანი. აქ მთავარი ფილოსოფია ჯანსაღი კვებისა და ადგილობრივი პროდუქციის პოპულარიზაციაა.
კომპლექსში განთავსებულია 64 კომფორტული ოთახი 8 სხვადასხვა კატეგორიით, რომლებიც სამ შენობაშია გადანაწილებული. საერთაშორისო სტანდარტების მომსახურება, მრავალწლიანი გამოცდილება და სტუმრისადმი განსაკუთრებული დამოკიდებულება ის ფაქტორებია, რაც „სამზეოს“ სტუმრებისთვის ყოველთვის დასამახსოვრებელ ადგილად აქცევს.
ასევე, სასტუმრო იდეალურია როგორც პირადი, ისე კორპორატიული ღონისძიებების გასამართად, რომელთა ორგანიზებაში ჩვენი პროფესიონალი გუნდი დაგეხმარებათ.
აღმოაჩინეთ ყვარლის კულტურული საგანძური
„სამზეოში“ დარჩენისას შეგიძლიათ მოინახულოთ რეგიონის უნიკალური ისტორიული და კულტურული ძეგლები:
- კოტე მარჯანიშვილის სახლ-მუზეუმი – გაეცანით მის გავლენას ქართულ თეატრზე და იხილეთ მხატვრების, მათ შორის ლადო გუდიაშვილის, ელენე ახვლედიანისა და ირაკლი გამრეკელის მიერ შექმნილი ესკიზები.
- ილია ჭავჭავაძის სახლ-მუზეუმი – შეიგრძენით ქართველი მწერლისა და საზოგადო მოღვაწის ცხოვრებისეული ისტორია და კულტურული მემკვიდრეობა.
- ნეკრესის მონასტერი – IV საუკუნის ერთ-ერთი უძველესი ქრისტიანული ტაძარი, რომელიც თვალწარმტაცი ხედებით გთავაზობთ სულიერ და ესთეტიკურ გამოცდილებას.
- გრემის მონასტერი – ისტორიული ქალაქი და მონასტერი, რომელიც კახეთის სამეფოს ყოფილ დედაქალაქს წარმოადგენდა.
- ყვარლის ციხე – ისტორიული ციხე-გალავანი, რომელიც საუკუნეების განმავლობაში იცავდა რეგიონს.
- ყვარლის ტბა – იდეალური ადგილი ბუნებაში დასვენებისთვის, კაიაკინგისა და პიკნიკისთვის.
- ღვინის მარნები – დააგემოვნეთ ქინძმარაული იქ, სადაც ის იბადება – ყვარლის ცნობილ ღვინის მარნებში.
